Աշակերտների միայն 30 տոկոսն է բնագիտական առարկաներով հետաքրքրված. ԿԳՆ-ն քայլեր կձեռնարկի

Բնագիտական առարկաների զարգացման համար համալիր աշխատանք է պետք տանել, քանի որ փաստը ցույց է տալիս, որ շրջանավարտների 70 տոկոսը շրջանցում են դրանք: Լրագրողների հետ զրույցում նման կարծիք հայտնեց ՀՀ ԿԳ նախարար Լևոն Մկրտչյանը:

Նա նշեց, որ անհրաժեշտ է քայլեր ձեռնարկել, որպեսզի մեծանա հետաքրքրությունը բնագիտական առարկաների հանդեպ: «Օրինակ, եթե Երևանում կարողանանք ստեղծել գիտության ժամանակակից թանգարան` իր լաբորատորիաներով, այն կավելացնի երեխաների հետաքրքրասիրությունը բնագիտական առարկաների նկատմամբ: Բացի այդ` պետք է աշակերտի մոտ մոտիվացիա լինի, որպեսզի շահագրգռված լինի բնական գիտություններով զբաղվելու համար: Եթե կարողանանք բնագիտությունը հեռանկարային սարքել մեզ համար` թե՛ բարձրագույն կրթության, թե՛ աշխատատեղերի ստեղծման միջոցով, նոր միայն հետաքրքրությունը կավելանա»,-ասաց Մկրտչյանը:

Ըստ նրա` աշակերտների` բնագիտական առարկաները հետաքրքրության պալկասը նաև դասագրքերի պատճառով է: Նախարարի հավաստմամբ` իրենք պատրաստվումե ն նաև դասագրքերում փոփոխություններ կատարել և քանի որ բնագիտական առարկաներն ավելի ունիվերսալ են, կփորձեն աշխարհի լավագույն դասագրքերն ադապտացնել: