Հայտնի է` երբ համանախագահները կայցելեն Արցախ

Երեկ Արցախում Yerkir.am-ի լրագրողը Արցախի ՊԲ հրամանատար Լևոն Մնացականյանից հետաքրքրվեց, թե ինչ ակնկալիքներ ունեն  ԵԱՀԿ Մինսկի խմբի համանախագահների առաջիկա այցից:

Արցախի պաշտպանության նախարարը տեղեկացրեց, որ եռանախագահները Ստեփանակերտ կայցելեն  հունիսի 13-ին: «Համանախագահներին  ներկայացնելու ենք սահմանին տիրող իրավիճակը, նրանց վերջին այցից մինչեւ հունիսի 10-ը տեղի ունեցած բոլոր խնդիրները եւ այն, թե մեր կողմից ինչպիսի պատասխաններ են տրվել բոլոր խախատումներին»,- ասաց նա:

Անդրադառնալով սահմանին հետաքննությունների մեխանիզմի ներդրմանը` Լևոն Մնացականյանը հիշեցրեց, որ ադրբեջանական կողմն ամեն ինչ անում է, որպեսզի խոչընդոտի այդ գործընթացին: «Հայկական կողմը միշտ էլ կողմնակից է եղել նման մեխանիզմների ներդրմանը: Այդ մեխանիզմները մեր կողմից ներդրվում են, եւ անհրաժեշտության դեպքում դրանք կօգտագործվեն: Համանախագահներն էլ են կողմ, որ այդ մեխանիզմները ներդրվեն, իսկ թե դա ինչ արդյունք կունենա, ես չեմ կարող ասել: Համենայն դեպս, նրանք աշխատում են, որպեսզի վերադառնանք բանակցությունների սեղանի շուրջ»,- ասաց նա: