ԵԱՀԿ ՄԽ համանախագահները Ադրբեջան կայցելեն ապրիլին

ԵԱՀԿ Մինսկի խմբի համանախագահները Ադրբեջան կայցելեն ապրիլի առաջին կեսին. այսօր լրագրողներին հայտնել է երկրի արտգործնախարար Էլմար Մամեդյարովը: Ըստ նրա` Հայաստանի եւ Ադրբեջանի նախագահների մակարդակով հանդիպում չի նախատեսվում. տեղեկացնում է Trend գործակալությունը:

Պատասխանելով Մինսկի խմբի գործունեության վերաբերյալ հարցին` Մամեդյարովը հայտարարել է, որ համանախագահող երկրներից յուրաքանչյուրը առաջնորդվում է իր շահերով:  «Երեքն էլ ՄԱԿ-ի Ախ մշտական անդամներ են եւ կարեւոր դերակատարություն ունեն աշխարհում: Վաղ, թե ուշ մենք կվերադարձենք մեր հողերը: Հիմա բանակցություններ ենք վարում եւ հուսով են, որ գործընթացը կշարժվի մեռյալ կետից»,- հայտարարել է Ադրբեջանի արտգործնախարարը: