Փոխարժեքներ 04 11 2025
USD	⚊	$ 382.55
EUR	⚊	€ 440.47
RUB	⚊	₽ 4.7293
GBP	⚊	£ 502.25
GEL	⚊	₾ 141.19

կարևոր

Բրյուսելում կայացել է «Արևմտյան ադրբեջանցիների «հայրենիք» վերադառնալու իրավունքի» մասին միջազգային համաժողովը
1 ժամ առաջ Հասարակություն
«Ոչ թե ասեց՝ Սևանի անունը «Գյոյչա» է, այլ՝ ցարական քարտեզում չկա Սևան»․ Փաշինյանն արդարացնում է Ալիևին
2 ժամ առաջ Հասարակություն
Ինչո՞ւ է սպանվել Շմավոն Աթոյանը. բացառիկ մանրամասներ
2 ժամ առաջ Հասարակություն
Սա Ձեր աշխատասենյակը չէ, Աժ-ում եք և պարտավոր եք հաշվետու լինել պատգամավորին․ Լիլիթ Գալստյանը՝ Ժաննա Անդրեասյանին
2 ժամ առաջ Հասարակություն
Շատ կարճ ժամանակ պահանջվեց, որպեսզի Փաշինյանն ու Ալիևը սեփական ձեռքով պայթեցնեն իրենց փչած փուչիկը, թե՝ «խաղաղություն է հաստատվել». Իշխան Սաղաթելյան
3 ժամ առաջ Քաղաքական
Գրադարանային ու թանգարանային ոլորտը գամել եք սոցիալական աղքատության շեմին․ Լիլիթ Գալստյանը՝ Ֆինանսների նախարարին
3 ժամ առաջ Հասարակություն
Ինչպե՞ս է կոչվելու Սամվել Կարապետյանի կուսակցությունը․«Փաստ»
4 ժամ առաջ Քաղաքական
Արևմուտքում էլ են սկսո՞ւմ «ձեռքները լվանալ» Նիկոլ Փաշինյանից․ «Փաստ»
5 ժամ առաջ Քաղաքական
Ինչ ունեցվածք ունի Ալեն Սիմոնյանի օգնական Կարլեն Գրեյանը․ «Ժողովուրդ»
5 ժամ առաջ Հասարակություն
Անդրանիկ Քոչարյանը չի լինի հաջորդ խորհրդարանում. նրան կուղարկեն արխիվ․ «Ժողովուրդ».
5 ժամ առաջ Հասարակություն

0 դիտում,

8 տարի առաջ - 2017-06-02 16:02

Հասարակություն

ԿԳ նախարարն ընդունել է Գյոթեի ինստիտուտի նախագահին

ՀՀ կրթության և գիտության նախարար Լևոն Մկրտչյանն ընդունել է աշխատանքային այցով Երևանում գտնվող Գերմանիայի Գյոթեի ինստիտուտի նախագահ, դոկտոր պրոֆեսոր Կլաուս-Դիթեր Լեհմանին:Ողջունելով հյուրերին՝ ՀՀ ԿԳ նախարարը կարևորել է հայ-գերմանական կրթական համագործակցությունը և առանձնակի ընդգծել Գյոթեի ինստիտուտի ներդրումն այդ ասպարեզում: Շեշտելով, որ Գյոթեի ինստիտուտի հայաստանյան թիմն արդյունավետ և կարևոր աշխատանք է կատարում մեր երկրում գերմաներենի տարածման և զարգացման ուղղությամբ՝ Լևոն Մկրտչյանը ներկայացրել է Հայաստանի կրթական համակարգում նախատեսվող փոփոխությունները:

Լևոն Մկրտչյանի տեղեկացմամբ՝ նախարարության կողմից մշակվել է օտար լեզուների խորացված ուսուցմամբ դպրոցների հայեցակարգը, որտեղ առանձնակի կարևորվում է լեզուների, այդ թվում նաև գերմաներենի ուսուցման զարգացումը: Հայեցակարգի շրջանակում օտար լեզվի խորացված ուսուցմամբ դպրոցներում բացի լեզվի, գրականության և մշակույթի ուսուցումից, դիտարկվում է նաև որևէ բնագիտական առարկայի ուսուցման կազմակերպումը համապատասխան լեզվով: Նախարարը նշել է, որ այս հարցում հայկական կողմն ակնկալում է Գյոթեի ինստիտուտի աջակցությունը՝ նկատի ունենալով, որ Հայաստանում գերմաներենով դասավանդող բնագիտական առարկաների նեղ մասնագետներ չկան.«Մենք ակնկալում ենք, որ DAAD-ի ծրագրերի շրջանակում մանկավարժները կարող են համապատասխան վերապատրաստում անցել»,- նշել է ԿԳ նախարարը:

Իր հերթին Գյոթեի ինստիտուտի նախագահ, դոկտոր պրոֆեսոր Կլաուս-Դիթեր Լեհմանը շնորհակալություն է հայտնել նախարարին՝ գործնական առաջարկության համար, ընդգծելով, որ իրենք մեծ սպասումներ ունեն նախաձեռնության իրագործումից և պատրաստակամ են խորացնել համագործակցությունը:

Կողմերն անդրադարձել են նաև Հայաստանում Գյոթեի ինստիտուտի գրասենյակի գործունեությանը և ընդգծել, որ հետևողական քայլեր են ձեռնարկվում Հայաստանում Գյոթեի ինստիտուտի մասնաճյուղի բացման ուղղությամբ: Նշվել է, որ Հայաստանի դպրոցականները գրավել են երրորդ պատվավոր տեղը Գյոթեի ինստիտուտի կողմից 2 տարին մեկ կազմակերպվող գերմաներեն լեզվի միջազգային օլիմպիադայում: Հայաստանում Գյոթեի ինստիտուտի ներկայացուցչության աջակցությամբ կազմակերվում են գերմաներենի ուսուցիչների վերապատրաստման դասընթացներ, առաջիկայում երրորդ անգամ անցկացվելու է գերմաներեն դասավանդողների համաժողովը:

Հանդիպման ընթացքում քննարկվել են նաև հայ-գերմանական համագործակցությանն առնչվող մի շարք այլ հարցեր, մասնավորապես կարևորվել է համագործակցության կապերի ամրապնդումը ՄԿՈՒ ոլորտում, Գյոթեի ինստիտուտի շրջանակում տարածաշրջանային ծրագրերի իրականացումը: