Արցախում պատահարի հետևանքով ջրահեղձ եղած Ռաֆայելը ամռանը զորացրվելու էր. լուսանկարներ

Երեկ առավոտյան Մատաղիսի զորամասին հարակից ջրամբարում ջրահեղձ եղած զինծառայողներից` 20-ամյա Ռաֆայել Բիշարյանը Երևանից էր:

Yerkir.am-ի տեղեկություններով` նա 50 օրից զորացրվելու էր: Ռաֆայելը ծնողների հետ բնակվում էր Ավան վարչական շրջանում, երկու եղբայրներից ավագն էր:

Ավելի վաղ հայտնել ենք, որ մայիսի 8-ի առավոտյան ՊԲ հյուսիսային ուղղությամբ տեղակայված զորամասերից մեկում տեղի է ունեցել դժբախտ պատահար: Ըստ նախնական տվյալների` ճանապարհատրասնպորտային պատահարի հետևանքով զորամասին հարակից ջրամբարում ջրահեղձ են եղել ՊԲ զինծառայողներ Ռուբեն Մնացականի Բարսեղյանը (ծնվ. 1998թ.), Ռաֆայել Արթուրի Բիշարյանը (ծնվ. 1997թ.) և Ռուբեն Հովհաննեսի Մնացականյանը (ծնվ. 1998թ.):

Որոնողական աշխատանքների արդյունքում հայտնաբերվել են Ռուբեն Բարսեղյանի և Ռաֆայել Բիշարյանի մարմինները: Ռուբեն Մնացականյանի ճակատագիրը պարզելու համար որոնողական աշխատանքները շարունակվում են: