Ջրահեղձ եղած զինծառայողի մայրն էլ էր դժբախտ պատահարի զոհ դարձել. մանրամասներ

Այսօր առավոտյան Երեւանի Նուբարաշենի զորամասի հրաձգարանի մոտ գտնվող ջրամբարում ջրահեղձ եղած` 20-ամյա Էդգար Չախլյանը վաղը զորացրվելու էր:

Yerkir.am-ի հետ զրույցում Էդգարի ընկերները հայտնեցին, որ նրա մայրը տարիներ առաջ դժբախտ պատահարի զոհ էր դարձել: «Էդգարը տան միակ տղան էր, ազնիվ, բարի տղա էր` բոլորի մասին մտածող, բոլորին օգնող, հասնող: Մինչև ծառայելն աշխատում էր,  ծառայության ժամանակ էլ զորամասի ճաշարանում այնպես էր կանոնակարգում, որ բոլորն իրենից գոհ մնան, մտածում էր զորքի մասին»,- ասաց ընկերներից մեկն ու հայտնեց, որ Էդգարը սիրած աղջիկ ուներ, որոշել էր զորացրվելուց հետո ընտանիք կազմել:

Նշենք, որ Չախլյանը Շիրակի մարզի Արթիկ քաղաքից էր:

Դեպքի հանգամանքները պարզելու նպատակով քննություն է ընթանում: