ԻՊ-ին անդամակցող ղազախստանցիները կզրկվեն քաղաքացիությունից. Նազարբաև

Ղազախստանի նախագահ Նուրսուլթան Նազարբաևը հայտարարել է, որ «Իսլամական պետություն» ահաբեկչական խմբավորմանը միացած իրենց հայրենակիցները կզրկվեն Ղազախստանի քաղաքացիությունից: Այս մասին Ղազախստանի առաջնորդը հայտնել է Мир հեռուստաալիքին տված հարցազրույցում:

«Ըստ Ղազախստանի օրենսդրության՝ եթե մեր երկրի հպատակը լքում է երկիրը և անդամակցում որևէ ծայրահեղական խմբավորման, ապա նա այլևս չի կարող վերադառնալ հայրենիք` ինքնաբերաբար զրկվում է քաղաքացիությունից: Դա հարկադրված քայլ է: ԻՊ-ի կազմում այս պահին կա 500-600 ղազախստանցի, իսկ նախկին ԽՍՀՄ տարածքից` ընդհանուր առմամբ, ավելի քան 5.000 մարդ»,- նշել է Նազարբաևը: