Սիրիական Շայրաթ ավիաբազան ԱՄՆ-ի ավիահարվածներից հետո. տեսանյութ

Россия 24 հեռուստաալիքը տեսանյութ է հրապարակել, որում երևում է սիրիական Շայրաթ ավիաբազան ԱՄՆ-ի կողմից հասցված ավիահարվածներից հետո:

Նշենք, որ Պենտագոնի տվյալներով` ԱՄՆ-ն արձակել է 59 թևավոր «Տոմագավկ» հրթիռ:

ԱՄՆ-ն երեկ թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային:

ԱՄՆ նախագահ Դոնալդ Թրամփը հայտարարել է, որ դա բխում էր ԱՄՆ ազգային անվտանգության կենսական շահերից: Հարվածի թիրախը Շայրաթ ռազմաբազան էր, որտեղից, ամերիկյան իշխանությունների կարծիքով, իրականացվել են քիմիական հարձակումները:

Նշենք, որ ՌԴ նախագահ Վլադիմիր Պուտինն արդեն արձագանքել է կատարվածին` ԱՄՆ-ի քայլերը սուվերեն պետության դեմ ագրեսիա որակելով: