Արմեն Մարտիրոսյանին ցանկանում եմ երջանկություն անձնական կյանքում. Մարուքյանն արձագանքում է

OՐՕ դաշինքի անդամ Արմեն Մարտիրոսյանն այսօր լրագրողներին ասել էր, որ «Ելք» դաշինքի թիկունքին կանգնած է Միքայել Մինասյանը, իսկ առաջիկա խորհրդարանում «Ծառուկյան» դաշինքն է լինելու ընդդիմություն:

Արձագանքելով Մարտիրոսյանի այս հայտարարություններին՝ «Ելք» դաշինքի ցուցակը գլխավորող Էդմոն Մարուքյանը Yerkir.am-ի հետ զրույցում ասաց, որ, իր կարծիքով, Արմեն Մարտիրոսյանի հայտարարություններին պետք չէ լուրջ վերաբերվել:

«Իսկ ինչ վերաբերում է այն մեղադրանքներին, որոնք Մարտիրոսյանը ներկայացրեց, դրանց ի պատասխան, ուղղակի կասեմ հետևյալը` Արմեն Մարտիրոսյանին ցանկանում եմ քաջառողջություն, երջանկություն անձնական կյանքում և հետագա նախաձեռնություններում: Այսքանը: Իմ ամբողջական պատասխանը սա է նրա բոլոր հարցերին»,- ասաց Մարուքյանը: