Ես ողջունել եմ Սեյրան Օհանյանի քայլը. Ռուզաննա Խաչատրյան

Պաշտպանության նախկին նախարար Սեյրան Օհանյանն այսօր տիկնոջ՝ Ռուզաննա Խաչատրյանի հետ կատարեց իր քաղաքացիական պարտքը:

Քվեարկությունից հետո լրագրողները Ռուզաննա Խաչատրյանից հետաքրքրվեցին` հնարավո՞ր է նրան տեսնենք քաղաքական դաշտում:

«Չեմ կարծում, քանի դեռ Սեյրան Օհանյանն է քաղաքական հայտ ներկայացրել… Ես վստահում եմ իրեն, հավատում եմ իր պայքարին: Իր դուրս գալը եւ ընդդիմադիր դառնալու հայտ ներկայացրել ես ողջունել եմ: Ժամանակի ընթացքում մարդը գնահատական է տալիս՝ ճի՞շտ էր, սխա՞լ էր: Ես ասում եմ՝ ճիշտ էր: Եվ հետագա զարգացումներին ես կլինեմ իր կողքին»,- ասաց նա:

Հարցին` երբ հայտարարում էր, որ իր ընտանիքի դեմ արշավ է կատարվել, ո՞ւմ նկատի ուներ, Ռուզաննա Խաչատրյանը պատասխանեց, թե մամուլի ասուլիս կտա եւ ամեն բան կպարզաբանի: