Ռուսաստանում սպանել են երկու հայ գործարարների

ՌԴ Կրասնոդարի երկրամասի Արմավիր քաղաքում հետաքննություն է ընթանում երկու գործարարի սպանության առնչությամբ. գործարարների մարմինները հայտնաբերվել էին նախօրեին բազմահարկ շենքի վերելակում. հայտնում է dni24.com-ը:

Նախնական տվյալներով՝ զոհերը Հայաստանի քաղաքացիներ են, նրանք զբաղվել են Մոսկվայից Կուբան մեծածախ ապրանքների մատակարարումներով: Նրանցից մեկը եղել է շենքի բնակիչ` 1966 թվականին ծնված տղամարդ: Մահացածին լավ ճանաչող մարդկանց հարցաքննությունից պարզվել է, որ իր մահվան նախօրեին տղամարդը խոշոր չափի գումար էր ստացել և պատրաստվում էր մեկնել ապրանքի նոր չափաբաժնի հետևից:

Հարուցվել է քրեական գործ, տարվում է հետաքննություն: