Կիմ Չեն Նամի գործով՝ Մալայզիայից նոր անձանց մասին ցուցմունք են վերցրել

Մալայզիայի ոստիկանությունը տվել է ԿԺԴՀ-ի նոր պաշտոնատար անձանց անուններ, որոնցից նոր ցուցմունքների են սպասում Հյուսիսային Կորեայի առաջնորդ Կիմ Չեն Ընի ավագ եղբոր՝ Կիմ Չեն Նամի սպանության վերաբերյալ։ Այս մասին հայտնել է Մալայզիայի ոստիկանության ղեկավար Հալիդ Աբու Բաքարը՝ ցույց տալով սլայդները, որտեղ եղել են այդ անուններն ու լուսանկարները, հայտնում է «РИА Новости»-ն։

Այդ մարդիկ են՝ ԿԺԴՀ դեսպանատան երկրորդ քարտուղար Հյոն Գվան Սոնը  (44 տարեկան) 7 հյուսիսկորեական Air Koryo ավիաընկերության աշխատակից Կիմ Ուկ Իլը (37 տարեկան)։

Ոստիկանության ղեկավարը հայտնել է, որ Հյուսիսային Կորեայի դեսպանատուն նամակ է հղվել՝ խնդրելով համագործակցել այդ երկու անձանցից ցուցմունք ստանալու հարցում։ Հալիդ Աբու Բաքարը նշել է, որ հակառակ դեպքում նրանց ձերբակալման թույլատվություն կտրվի։