Նոր ԱԺ ամենամեծ ընդդիմադիր խմբակցության ներկայացուցիչը տեղ կունենա հոգաբարձուների խորհրդում

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը ներկայացրեց պաշտպանության ժամանակ զինծառայողների կյանքին կամ առողջությանը պատճառված վնասների հատուցման հիմնադրամի հոգեբարձուների խորհրդի անդամներ նշանակելու մասին որոշման մեջ փոփոխություն կատարելու մասին հարցը, որով կառավարությունը նշանակելու է ոչ թե 3, այլ 2 անդամ, իսկ երրորդին կնշանակեն նոր Ազգային ժողովի կազմավորումից հետո: Այդ տեղը կզբաղեցնի ԱԺ ամենամեծ ընդդիմադիր խմբակցության ներկայացուցիչը:

Իսկ երկու անդամներն են պաշտպանության նախարար Վիգեն Սարգսյանը և ֆինանսների նախարարի տեղակալ Կարեն Թամազյանը: