Բժշկականի հոգաբարձուների խորհրդում նույն վիճակն է, ինչ մյուս բուհերում. տիկին Ժաննան չի հասցնում

Yerkir.am-ը այս անգամ ուսումնասիրել է Երևանի պետական բժշկական համալսարանի հոգաբարձուների խորհրդի կազմը:

Խորհրդի կազմում վարչապետի առաջադրմամբ ներկայացված է արտաքին գործերի նախարարի խորհրդական Դավիթ Կարապետյանը: Մեզ չհաջողվեց նախարարության կայքում Դավիթ Կարապետյան անուն-ազգանունով նախարարի խորհրդական գտնել: Խոսքը, հավանաբար, նախարարության գլխավոր քարտուղար Դավիթ Կարապետյանի մասին է:

Բժշկականի խորհրդի կազմում է նաև առողջապահության նախարարի տեղակալ Արմեն Նազարյանը: Նազարյանը նախարարի տեղակալի պաշտոնից ազատվել է 2024թ. փետրվարին: ԿԳՄՍ նախարար տիկին Ժաննա Շինարարը գոնե մի տարվա ընթացքում կարող էր փոխարինող գտնել ազատված պաշտոնյայի փոխարեն:

Ի դեպ «Հիմնադրամների մասին» ՀՀ օրենքը սահմանում է, որ հոգաբարձուների խորհրդի անդամի լիազորությունը դադարելու դեպքում նրա փոխարեն նոր անդամ նշանակվում է նախկին անդամի նշանակման կարգով, ոչ ուշ, քան հոգաբարձուների խորհրդի անդամի թափուր տեղ առաջանալու մասին կառավարչի ծանուցումն ստանալու օրվանից հետո` 30 օրվա ընթացքում: Հոգաբարձուների խորհրդի անդամի թափուր տեղ առաջանալու մասին տեղեկացված լինելու օրվանից ոչ ուշ, քան 10 օրվա ընթացքում հիմնադրամի կառավարիչը տեղեկացնում է հիմնադիրներին, հոգաբարձուների խորհրդի անդամներին նշանակած անձանց կամ մարմիններին, հիմնադրամի մարմիններին:

Կարծում ենք, որ Փաշինյանին հետաքրքիր կլինի պարզել, թե պաշտոնյաներից ով է թերացել իր պարտականությունների իրականացման հարցում՝ ԵՊԲՀ ռեկտոր Արմեն Մուրադյա՞նը, թե՞ նախարար Ժաննա Անդրեասյանը:

Տես նաև՝ 

• «Բարդակ»՝ Շիրակի պետհամալսարանի խորհրդում. Թռչունյանն այնտեղ դեռ փոխնախարար է
• Շիրակի համալսարանում մարզպետը Նազելի Բաղդասարյանն է
• Օրինակա՞ն է արդյոք Գիլոյանի պաշտոնավարումը ֆիզկուլտինստիտուտում 
• Ավինյանը պոլիտեխնիկում դեռ ԱՆԻՖԻ խորհրդի նախագահն է կամ աշխատանքային ուղեցույց` Ժաննա Շինարարին