Օբամայի մորական գծով 7-րդ սերնդի պապիկը ծնվել է շվեյցարական փոքրիկ գյուղում

Շվեյցարիայի արևմուտքում գտնվող Ռիդ բայ Կերցերս ոչ մեծ ավանի բնակիչները կարծում են, որ իրենց գյուղում է ծնվել Բարաք Օբամայի նախնիներից մեկը: Այս առթիվ համայնքը քաղաքական գործչին հրավիրել է այցելել և բնակվել իրենց գյուղում:

Ինչպես հաղորդում է Russia Today-ը, տեղի բնակիչները պատրաստ են իրենց վրա վերցնել ԱՄՆ-ի նախկին նախագահի բոլոր ծախսերը ապրելու, հարմարվելու և սնվելու համար: Օբամային առաջարկել են բնակվել իր հեռավոր ազգականի տանը: 17-րդ դարի կառույցը հիանալիորեն պահպանվել է և ապահովված է բոլոր ժամանակակից հարմարավետություններով:

Ծագումնաբանության շվեյցարացի մասնագետ Հանս Հերենը պարզել է, որ Բարաք Օբամայի մորական գծով 7-րդ սերնդի պապիկը ծնվել է իր հայրենի Ռիդ բայ Կերցերս ավանում:

Համայնքի ղեկավար Հայնց Էտերը Բարաք Օբամային նամակ է գրել` առաջարկելով այցելել հայրենի գյուղ ընտանիքի հետ միասին: