Հովհաննես Վարդանյանը պարգեւատրվել է «Գարեգին Նժդեհ» մեդալով

Արաբկիր վարչական շրջանի ղեկավար Հովհաննես Վարդանյանն իր ֆեյսբուքյան էջում գրել է. «Բանակաշինության, ՀՀ ԶՈՒ մարտական պատրաստության և ռազմահայրենասիրական դաստիարակության բնագավառում ունեցած ներդրումների համար, ՀՀ պաշտպանության նախարարի հրամանով, այսօր պարգևատրվել եմ ՀՀ զինված ուժերի «Գարեգին Նժդեհ» մեդալով: Պարգևը չափազանց պարտավորեցնող է: Շնորհակալ եմ ՀՀ պաշտպանության նախարար Վիգեն Սարգսյանին գնահատանքի և պարգևատրման համար:

Շնորհակալ եմ նաև Ոստիկանների միջազգային ասոցիացիայի Հայաստանյան գրասենյակի նախագահ, իմ մարտական ընկեր Գրիշա Սարգսյանին: Վստահ եմ, որ այն արժեհամակարգն, որով միասին առաջնորդվում ենք մեր առօրյա կյանքում նոր ձեռքբերումներ և զարգացում կապահովի մեր Հայրենիքի համար»: