Թրամփի կարծիքով` ինքը դուր է գալիս Օբամային

ԱՄՆ նախագահ Դոնալդ Թրամփը համարում է, որ ինքը դուր է գալիս երկրի նախկին նախագահ Բարաք Օբամային, ինքն էլ նրան է լավ վերաբերվում. հայտնում է РИА Новости-ն` Fox News-ին հղումով:

«Մենք ընդհանուր լեզու ենք գտնում: Չգիտեմ` նա կխոստովանի՞ դա, բայց ես նրան դուր եմ գալիս»,- ասել է նախագահը հեռուստաալիքին տված հարցազրույցում ու հավելել. «Նա ինձ դուր է գալիս, որովհետև ես դա զգում եմ»:

Միաժամանակ Թարմփը խոստովանել է, որ նախկինում ինքն ու Օբաման «միմյանց սարսափելի բաներ են ասել»: «Քաղաքականությունը զարմանալի բան է»,- եզրահանգել է նա:

Ավելի վաղ Օբաման հայտնել էր, որ ընտրություններից հետո Թրամփի հետ զրույցներից հաճույք է ստացել: