Վիետնամը սկսել է էլեկտրոնային վիզաներ տրամադրել ՀՀ քաղաքացիներին

Վիետնամը փետրվարի 1-ից սկսել է էլեկտրոնային վիզաներ տրամադրել աշխարհի ավելի քան 40 երկրի, այդ թվում Հայաստանի քաղաքացիներին, գրում է Vietnam News Agency (VNA)-ն:

Ըստ պետական լրատվամիջոցի, Վիետնամի կառավարությունը հաստատել է համապատասխան որոշումը հունվարի 25-ին: Հայտադիմումների ներկայացումն ու վճարումը կկատարվի առցանց ռեժիմով: Երաշխավորագրեր կամ հրավերներ այդ դեպքում չեն պահանջվի:

Հայաստանից բացի ցանկում ներառված են նաև Ադրբեջանը, Արգենտինան, Իռլանդիան, Լեհաստանը, Բելառուսը, Բուլղարիան, Հարավային Կորեան, Գերմանիան, Չիլին, Չինաստանը, Կոլումբիան, Չեխիան և այլ երկրներ:

Սովորական մուտքի արտոնագրերը նախկինի պես կտրամադրվեն ըստ համապատասխան օրենքի դրույթների: