Ներքին խոհանոցում դեռևս շարունակվում է քննարկումների փուլը. ՀՀԿ-ական

ՀՀԿ-ական Լեռնիկ Ալեքսանյանը Yerkir.am-ի հետ զրույցում նշեց, որ փետրվարի 16-ից շուտ դժվար թե որևէ հստակություն նշմարվի ՀՀԿ` ռեյտինգային ընտրակարգով առաջադրվողների ցուցակի և մի շարք այլ՝ վաղուց հրապարակման ենթակա հարցերի հետ կապված: Պատգամավորի խոսքով՝ կուսակցության ներքին խոհանոցում դեռևս շարունակվում է քննարկումների փուլը:

«Այո, ցուցակները դեռևս կազմված չեն, հստակեցված չեն մի շարք հարցեր, բայց դրանց շուրջ աշխատանքներ են ընթանում»,- ասաց Ալեքսանյանը՝ հավելելով, որ միայն իրենց կուսակցության մասով չէ, որ առկա է որոշակի անորոշություն:

Նշենք, որ հունվարի 26-ին կայացավ ՀՀԿ խորհրդի և ԳՄ նիստը: Սպասումներին հակառակ՝ ՀՀԿ-ում այդպես էլ որոշում չկայացվեց՝ ով է գլխավորելու կուսակցության համամասնական ցուցակը, նախընտրական շտաբը, և ովքեր են իրենց թեկնածությունն առաջադրելու ռեյտինգային ընտրակարգով:

Երեկ կայացած` ՀՀԿ-ի Գործադիր մարմնի նիստից հետո էլ այս հարցերի հետ կապված անորոշությունը շարունակվում է: