Գիտնականները գտել են բոլոր ողնաշարավորների նախնուն

Հնէաբանները գտել են երկրագնդի բոլոր ողնաշարավորների նախնուն` 540 տարեկան միկրոսկոպիկ էակ, որը հիշեցնում է մեծ բերանով կաշվե տոպրակ: Գտածոն նկարագրվել է Nature ամսագրում:

Կենդանու տեսքը դաջվել էր բրնձահատիկի չափի քարացուկում, որը, ի թիվս 45 այլ քարացուկների, հետազոտման համար վերցրել էին Չինաստանի սարերի նստվածքային ապարներից: Կենդանին նման չէ ներկայումս նկարագրված ոչ մի տեսակի, նրան անվանել են Saccorhytus coronarius:

Ըստ գիտնականների` հավանորեն դա երկբերանավոր կենդանիների ամենահին նախնին է, որոնց մի բերանից` բլաստոպորից, սաղմնային զարգացման ընթացքում ձևավորվում է հետանցքը, իսկ բերանը հետագայում հայտնվում է մարմնի առաջնային հատվածում: Միաբերանների մոտ բլաստոպորից ձևավորվում է բերանը:

Հայտնաբերված էակը հետանցք չունի, սակայն կան պարզունակ խռիկներ, որոնք հետագայում, հավանորեն, առաջին ձկների մոտ դարձել են լիարժեք և ձևավորել բերանի խոռոչը: