Դպրոցի` դաշնակցական տնօրենների թիվը չի աճել իմ` նախարար լինելու օրոք. Լևոն Մկրտչյան

Այսօր «Ազատություն» ռադիոկայանի ֆեյսբուքյան ասուլիսի հյուրը ՀՀ ԿԳ նախարար Լևոն Մկրտչյանն էր:

Հարցին, թե ի՞նչ քայլեր է ձեռնարկելու նախարարը, որպեսզի գալիք ընտրություններին կրթական օջախները զերծ մնան քաղաքական թոհուբոհից, նախարարը պատասխանեց, որ հետաքրքիր է այն փաստը, որ ինքն ինչքան ստանձնել է կրթության նախարարի պաշտոնը, ընտրությունների նախաշեմ է եղել:

«Ես միշտ շրջաբերական եմ ուղարկել դպրոցների տնօրեններին, որ դպրոցը պետք է հնարավորինս զերծ պահել քաղաքական անցուդարձից, և ընտրական այս համակարգն ինձ հույս է տալիս: Տեսեք` ցանկացած ընտրատեղամասում յուրաքանչյուր կուսակցություն ռեյտինգայինով կարող է 12 թեկնածու առաջադրել, և այս շատության մեջ չես կարող ուղղորդել ծնողին, թե` գնա և ընտրիր այսինչ թեկնածունին, քանի որ կարող է ծնողն իր բարեկամն ունի ցուցակում»,- ասաց նախարարը:

Նա նշեց նաև, որ դպրոցի` դաշնակցական տնօրենների թիվն իր նախարարության օրոք երբեք չի աճել: «Իմ կարծիքով` եթե լծակներդ այդ կերպ ես օգտագործում, դա թուլացնում է տվյալ կուսակցությունը»,- ասաց Մկրտչյանը: