Սիրիայի և Հորդանանի սահմանին տեղակայված փախստականների ճամբարում պայթյուն է որոտացել

Սիրիայ և Հորդանանի սահմանին տեղակայված փախստականների ճամբարի տարածքում շաբաթ պայթյուն է որոտացել: Այս մասին տեղեկացնում է Deutsche Welle-ն:

Մարդու իրավունքների սիրիական դիտորդական կենտրոնի տվյալներով` պայթյունի հետևանքով առնվազն 4 մարդ է զոհվել, տասնյակ մարդիկ վիրավորվել են: Միևնույն ժամանակ իրանական հեռուստաալիքը հաղորդում է տասնյակ զոհերի և բազմաթիվ վիրավորների մասին:

Նախնական տեղեկության համաձայն` խոսքն ահաբեկչության մասին է: Անհայտ անձինք գործի են դրել մեքենայի ներսում տեղակայված պայթուցիկ սարքը: Խմբավորումներից և ոչ մեկը չի ստանձնել կատարվածի պատասխանատվությունը:

Փախստականների ճամբարում, որը տեղակայված է Սիրիայի և Հորդանանի սահմանին, շուրջ 70 000 մարդ է բնակվում: