Մերկելի ու Դավութօղլուի այցելած` փախստականների ճամբարում տղաների են բռնաբարել

Թուրքիայի Նիզիփ փախստականների ճամբարում սկանդալային դեպք է տեղի ունեցել:

Ըստ Siyasihaber-ի` ճամբարում, ուր ավելի քան 14.000 սիրիացի փախստական է աշխատում, երեխաների են բռնաբարել:

Պնդումների համաձայն` ճամբարում սանիտարական պայմանների համար պատասխանատու Է.Է.-ն չնչին գումարի դիմաց խաբել է 30 տղայի և նրանց նկատմամբ սեռական ոտնձգություն իրականացրել: Դա հաստատել են ճամբարում աշխատող մյուս երեխաները, որոնցից շատերն ականատես են եղել, ոմանք էլ` անձամբ ոտնձգության ենթարկվել:

Ուշագրավն այն է, որ սկանդալային այս դեպքը տեղի է ունեցել վարչապետ Դավութօղլուի այցելած ճամբարում: Ապրիլի 23-ին` Թուրքիայում երեխաների օրը, նա Գերմանիայի կանցլեր Անգելա Մերկելի, փոխվարչապետի, ՆԳ նախարարի, ինչպես նաև բարձրաստիճան այլ պաշտոնյաների հետ այցելել էր ճամբար, ծանոթացել  պայմաններին և ճամբարի մասին գովասական հայտարարություններով հանդես եկել:

Birgun թերթի հետ զրույցում ճամբարի բարձրաստիճան զինվորականներից մեկը տեղի ունեցած սկանդալի հարցում մեղադրել է աղետների եւ արտակարգ իրավիճակների կառավարման նախարարությանը, որը գտնվում է երկրի ԱԳ նախարարության հովանու ներքո: «Կատարվածը միանգամայն աղետալի է»,- նշել է նա: