Կոլումբիայում սկսվել է խաղաղ համաձայնագրի իրականացումը

Կոլումբիայում սկսվել է խաղաղ համաձայնագրի իրականացումը, սակայն դրան խոչընդոտում են լուրջ խնդիրներ։ Այդ մասին ՄԱԿ-ի ԱԽ-ում զեկուցել է այդ երկրում ՄԱԿ քաղաքական առաքելության ղեկավար Ժան Արնոն։

Նա հիշեցրել է, որ դեկտեմբերի 28-ին կոնգրեսը ընդունել է համաներման մասին օրենք, որով ազատ է արձակվելու 4 հազար բանտարկյալ, խռովարարների պահանջին համապատասխան։

Ժան Անրոյի խոսքով, խաղաղ համաձայնագրի իրականացման առանցքային ասպեկտներից է զինյալների ինտեգրումը խաղաղ կյանքին, ինչը կարող է բավականին դժվար լինել։

Հիշեցնենք, որ Կոլումբիայի կառավարությունը ու Հեղափոխական զինված ուժերը կնքել են համաձայնագիր, որը պետք է վերջ տա ավելի քան կես դար տեւած հակամարտությանը, որը 250 հազար մարդու կյանք է խլել։ Համաձայնագրի իրականացումը վերահսկում է Կոլումբիայում ՄԱԿ առաքելությունը։