Իննամյա կապանցի է մահացել. բնակարանում բռնկված հրդեհից այրվածքներ էր ստացել

Դեկտեմբերի 31-ին` ժամը 11.00-ին, ոստիկանության Կապանի բաժին հաղորդում է ստացվել, որ Հ. Ավետիսյան փողոցի թիվ 8-րդ շենքի 2-րդ հարկում հրդեհ է:

Ըստ ՀՀ ոստիկանության պաշտոնական կայքի` մեկնած օպերատիվ խումբը պարզել է, որ հրդեհ է բռնկվել Հ. Ավետիսյան փողոցի թիվ 8-րդ շենքի մի բնակարանում, ինչի հետևանքով բնակարանի գույքը մասամբ այրվել է, իսկ 2008 թ. ծնված Վարդան Ավագյանը «մարմնի տարբեր մասերի 2-րդ, 3-րդ աստիճանի այրվածքներ, «այրվածքային շոկ ծանր աստաճանի» ախտորոշմամբ տեղափոխվել է հիվանդանոց:

Նույն օրը` ժամը 16.20-ի սահմաններում, Վ. Ավագյանին Կապանի բժշկական կենտրոնից շտապօգնության ավտոմեքենայով Երևան քաղաք տեղափոխելու ժամանակ մահացել է:

Նախապատրաստված նյութերը ուղարկվել են Սյունիքի մարզային քննչական վարչություն: