«Մեր՝ շան օրն ընկնելու պատճառը դու ես». թուրք զինվորները ողջակիզվելու համար մեղադրել են Էրդողանին. 18+

Տեղեկացրեցինք, որ «Իսլամական պետություն» ահաբեկչական խմբավորումը ողջակիզել է երկու թուրք զինվորների, ևս երկու զինվոր գնդակահարվել է:

Դաժան տեսանյութերի մի մասն արդեն հեռացվել է համացանցից:

Հրկիզելուց առաջ ԻՊ-ը ձայնագրել և հրապարակել է թուրք զինվորների ելույթը, որում նրանք իրենց հետ կատարվածի համար մեղադրում են Էրդողանին ու նրա «Արդարություն և զարգացում» կուսակցությանը:

«Ես դիմում եմ թուրք զինվորներին՝ այն ստորացումներին չարժանանալու համար, որոնց մենք ենք ենթարկվում, լքեք «Իսլամական պետության» տարածքները: Ով թո'ւրք ժողովուրդ, մեզ հասած այս ստորացուցիչ վիճակի պատճառը «Արդարություն և զարգացում» կուսակցությունն ու Թուրքիայի կառավարությունն են: Մեր փոխարեն կարող էր լինել նաև ձեր զավակը: Մենք շատ երկար սպասեցինք, որպեսզի մեզ փրկեն, սակայն Թուրքիան իր զինվորներին ոչ մի կարևորություն չտվեց»,- ասել է զինվորներից մեկը:

Զինվորներից մյուսն էլ  մեղադրել է Էրդողանին. «Է՜յ,  Էրդողա'ն, մեր՝ այս վիճակում հայտնվելու, շան օրն ընկնելու պատճառը դու ես»: