Թուրքիայում ՌԴ դեսպանը սպանվել է

Ինչպես արդեն տեղեկացրել էինք՝ Թուրքիայում ՌԴ դեսպան Անդրեյ Կառլովի դեմ Անկարայում մահափորձ է տեղի ունեցել: Դեսպանը ծայրահեղ ծանր վիճակում հոսպիտալացվել է: Ըստ տարբեր աղբյուրների, դեսպանը մահացել է, սակայն դեռ պաշտոնական տեղեկություն այս մասին չկա:

Ականատեսների խոսքով, հարձակումը տեղի է ունեցել ժամանակակից արվեստի թանգարանում՝ «Ռուսաստանը թուրքերի աչքով» խորագրով ցուցահանդեսի ժամանակ: Մարդիկ պատմել են, որ թանգարան է ներխուժել 22-ամյա տղամարդը եւ կրակել է դիվանագետի վրա՝ թիկունքից, երբ Անդրեյ Կառլովը ելույթը վերջացնելիս է եղել:

Աղբյուրի տվյալներով` դեսպանից բացի ևս մի քանի մարդ է վիրավորվել: