Սերժ Թանկյանը 2017-ի ապրիլին Հայաստան կգա

Այսօր հրավիրված մամուլի ասուլիսի ժամանակ ամերիկահայ ռոք երաժիշտ և երգահան, աշխարհահռչակ System of a Down խմբի հիմնադիր Սերժ Թանկյանը նշեց, որ 2017-ի ապրիլին պատրաստվում է գալ Հայաստան` ընտրությունների ընթացակարգին հետևելու:

Ի դեպ, Հայաստան կգան նաև կանադահայ կինոռեժիսոր Ատոմ Էգոյանը և այլ մարդիկ, ովքեր միացել են «Արդարություն Հայաստանում» նախաձեռնությանը:

Թանկյանը նշեց, որ իրենց խնդիրը ոչ թե կուսակցության կամ քաղաքական ղեկավարության հետ է, այլ` քաղաքացու` որպես կիրթ ընտրող ձևավորվելու: «Խնդիրն այն չէ, թե ում համար ենք քվեարկում, մենք ուղղակի պետք է անենք ամեն ինչ, որպեսզի երիտասարդությունը չարտագաղթի»,- հավելեց նա: