Սերժ Թանկյանը` Ցեղասպանության մասին

Հուլիսի 29-ին Հոլիվուդում տեղի է ունեցել System of a Down խմբի մենակատար Սերժ Թանկյանի մենահամերգը: Համերգի ընթացքում նա խոսել է նաեւ Հայոց ցեղասպանության եւ Հոլոքոստի մասին:

«Պատկերացրեք 40-ականներն են, եւ Երկրորդ համաշխարհային պատերազմը հենց նոր է սկսվել: Ամերիկան որոշել է Անգլիայի հետ միանալ պատերազմին: Պատկերացրեք, եթե Ամերիկան դառնար նացիստական Գերմանիայի համախոհը եւ որոշեր, որ մենք պետք է հրաժարվենք Հոլոքոստից եւ հանենք այդ բառը կառավարության քաղաքականությունից: Պատկերացրեք, որ հրեա եք եւ ապրում եք Լոս Անջելեսում, եւ ո'չ կառավարությունը, ո'չ էլ Կոնգրեսը Հոլոքոստ բառը չեն օգտագործում: Ահա թե ինչ են զգում հայերը, հույները եւ ասորիները, երբ մեր կառավարությունը չի օգտագործում Ցեղասպանություն բառը»,- ասել է նա: