ՌԴ-ն ամեն ինչ անում է ՆԱՏՕ-ի էքսպանսիայից պաշտպանվելու համար. Պեսկով

Մոսկվան իրավունք ունի իր տարածքում անհրաժեշտ բոլոր միջոցները ձեռնարկել՝ ի պատասխան այնպիսի ագրեսիվ բլոկի էքսպանսիայի, ինչպիսին ՆԱՏՕ-ն է: Այդ մասին, ըստ РИА Новости-ի, հայտարարել է ՌԴ նախագահի մամուլի քարտուղար Դմիտրի Պեսկովը:

«Ռուսաստանն անում է անհրաժեշտ ամեն ինչ, որպեսզի ՆԱՏՕ-ի` իր սահմանների ուղղությամբ էքսպանսիայի ֆոնին ապահովի իր անվտանգությունը: ՆԱՏՕ-ն իսկապես ագրեսիվ բլոկ է. դրա համար Ռուսաստանը անում է ամեն բան: Տվյալ դեպքում, իհարկե, Ռուսաստանն իր ամբողջ տարածքում անհրաժեշտ միջոցներ ձեռնարկելու ինքնիշխան բոլոր իրավունքներն ունի»,- ասել է նա:

Պեսկովը մեկնաբանել է արեւմտյան ԶԼՄ-ների հրապարակումներն այն մասին, որ Կալինինգրադում նոր հրթիռային համալիրների տեղակայումն Արեւելյան Եվրոպայում ՆԱՏՕ-ի ընդլայնման պատասխանն է: