Եղեգնաձոր-Գնիշիկ ավտոճանապարհը միակողմանի փակ է

Նոյեմբերի 21-ին, ժամը 14.10-ին տեղեկություն է ստացվել, որ Հ-40 ավտոճանապարհի Եղեգնաձոր-Գնիշիկ հատվածի 12-13-րդ կմ-ին տեղի է ունեցել քարաթափում. անհրաժեշտ է փրկարարների օգնությունը:

Դեպքի վայր է մեկնել մարզային փրկարարական վարչության օպերատիվ խումբը:

Պարզվել է, որ Եղեգնաձոր-Գնիշիկ հատվածի 12-րդ կմ-ին տեղի է ունեցել քարաթափում ճանապարհահատվածի 2-3 մ լայնությամբ և 100 մ երկարությամբ, ինչի հետևանքով ճանապարհը դարձել է միակողմանի երթևեկելի: Փրկարարները մանր քարերը հեռացրել են ճանապարհի երթևեկելի հատվածից, ևս 4 քար (մոտ 150 կգ) հեռացնելու համար անհրաժեշտ է հատուկ տեխնիկա:

Տեղեկությունը փոխանցվել է մարզպետարանի տրանսպորտի և ճանապարհաշինարարական բաժնի, «Եղեգնաձորի ՃՇՇ» ՓԲԸ-ի, ԲՊ և ԱՀՎԿ վարչության պետերին, ՃԿԱԿ-ում ՀՀ տրանսպորտի, կապի և տեղեկատվական տեխնոլոգիաների նախարարության ներկայացուցչին, ոստկանության և ՃՈ աշխատակիցներին: