Կայացավ Հայաստանի կիոկուշին կարատեի ֆեդերացիայի 11-րդ բաց առաջնությունը

Նոյեմբերի 19-ից 20-ը տեղի ունեցավ Հայաստանի կիոկուշին կարատեի ֆեդերացիայի 11-րդ բաց առաջնությունը: Նախքան մրցաշարի բացումը` ֆեդերացիայի նախագահ Անդրանիկ Հակոբյանը թանկարժեք հեծանիվներով պարգևատրեց վերջերս Վրաստանի Կովկասի առաջնությունում ադրբեջանցիներին հաղթած պատանիներին:

11-րդ բաց առաջնությանը մասնակցեցին մարզիկներ Իրանից, Վրաստանից, Լիբանանից, Ռուսաստանից, Արցախից և այլ երկրներից: Մենամարտերով հանդես եկան պատանիներ, տղամարդիկ ու կանայք: Մրցաշարին մասնակցեց շուրջ 500 մարզիկ: Հայ մարզիկները բարձր արդյունքներ ցույց տվեցին, մասնավորապես` 1-ին տեղ` 16 հոգի, 2-րդ տեղ` 13 և 3-րդ տեղ` 14 մարզիկ:

Հովհաննես Սարգսյանն ու Նարեկ Աբոյանը ճանաչվեցին առաջնության լավագույն մարզիկներ, իսկ Արծրուն Միսակյանը լավագույնը ճանաչվեց «Կատա» մրցաձևում:

Հատկանշական է, որ թեթև, միջին և ծանր քաշային կարգերում մարզիկները հիմնականում ներկայացրել են Հայաստանի Հանրապետությունը: