1000 դրամ վճարելու պարտադիր բաղադրիչը կհանվի՞

Պաշտպանության նախարարի մամուլի խոսնակ Արծրուն Հովհաննիսյանն այս պահի դրությամբ չի կարող ասել` արդյո՞ք  «ՀՀ պաշտպանության ժամանակ զինծառայողների առողջությանը կամ կյանքի վնասի փոխհատուցման մասին» օրինագծից կհանվի 1000 դրամ վճարելու պարտադիր բաղադրիչը, թե՞ ոչ: Yerkir.am-ի հետ զրույցում, պատասխանելով հարցին, թե արդյո՞ք 1000 դրամ վճարելու պարտադրանքը կարող է վերանայվել ու հանվել, նա նշեց, որ այս պահին օրինագծի վրա աշխատում են իրավաբաններ, տարբեր մասնագետներ, և մինչև հաջորդ ընթերցումները որոշակի բաներ կարող են փոխվել, քանի որ դրա մասին խոսել է պաշտպանության նախարար Վիգեն Սարգսյանը:

Արծրուն Հովհաննիսյանը հիշեցրեց, որ նաև ՀՀԿ խմբակցության ղեկավար Վահրամ Բաղդասարյանն է ասել, որ պարտադիր բաղադրիչը հանելու հետ կապված առաջարկներ են ստացվել, և դրանք պետք է քննարկման առարկա դառնան մինչև հաջորդ ընթերցումները:

«Թե ի՞նչ կլինի կոնկրետ, հորդորում եմ սպասել»,- ասաց նա: