Մեկնարկել են ՊԵԿ ներկայացուցիչների հանդիպումները հարկ վճարողների հետ

Պետական եկամուտների կոմիտեում մեկնարկել են հարկ վճարողների հետ հանդիպումները, որոնց նպատակն է քննարկել  տարբեր ոլորտներում առկա հարկային և  մաքսային խնդիրները, տեղեկացնում է ՊԵԿ մամուլի ծառայությունը։

ՊԵԿ հարկ վճարողների ընթացիկ հսկողության հարկային տեսչություն-վարչության պետ  Արթուր Հարությունյանը նշել է, որ ՊԵԿ-ի կողմից իրականացվել են վերլուծություններ, այնուհետև նաև խորը ուսումնասիրություններ ռիսկերի գնահատման համար։ Ըստ Հարությունյանի՝ այս հանդիպումների նպատակն է քննարկել դրանք, ինչպես նաև լիարժեք պատասխաններ ու պարզաբանումներ տալ հարկ վճարողների հարցերին։

Նման հանդիպումների առանցքում ՊԵԿ նախագահի հանձնարարականն է, որով խնդիր է դրվել հարկ վճարողներին ժամանակին և պարբերաբար իրազեկել, թե՛ հարկային և մաքսային ոլորտներում տեղի ունեցող փոփոխություններին, թե՛ առաջիկա նախագծերին։