Դիարբեքիրում տեղի ունեցած ահաբեկչության պատասխանատվությունը ստանձնել է ԻՊ-ը

«Իսլամական պետություն» ահաբեկչական կազմակերպությունը ստանձնել է ներկայիս Թուրքիայի տարածքում գտնվող Դիարբեքիր (հայկական Տիգրանակերտ) քաղաքում երեկ տեղի ունեցած ահաբեկչության պատասխանատվությունը: Կազմակերպությունը դա հաստատել է «Ամաք» գործակալության հետ զրույցում:

Հիշեցնենք, որ երեկ հզոր պայթյուն էր տեղի ունեցել Դիարբեքիրի Բաղլար շրջանում: Պայթյունն իրականացվել էր ոստիկանական շտաբի շենքի մոտակայքում, որի հետևանքով վնասվել էին տարածքում գտնվող շենքերը: Գրանցվել էր  9 զոհ և ավելի քան 100 վիրավոր: Թուրքիայի իշխանությունները պայթյունի մեջ մեղադրում էին Քուրդիստանի բանվորական կուսակցության զինյալներին: