ՔԱԲ-ը ստանձնել է Ստամբուլի ահաբեկչության պատասխանատվությունը

«Քուրդիստանի ազատության բազեներ» կազմակերպությունը ստանձնել է Ստամբուլի Բեշիքթաշ շրջանում ոստիկանների դեմ ուղղված ահաբեկչության պատասխանատվությունը:

Ըստ Demokrathaber-ի՝ ՔԱԲ-ի տարածած հայտարարության մեջ նշվել է, որ Ստամբուլում դեկտեմբերի 10-ի երեկոյան ոստիկանների դեմ համաժամանակյա գործողություն է կազմակերպվել կազմակերպության  վրիժառու խմբի կողմից, որն իրականացրել են 2 զինյալներ: Նրանց անունները կազմակերպությունը խոստացել է հայտնել առաջիկա օրերին։

Հիշեցնենք, որ Ստամբուլում տեղի ունեցած ահաբեկչության հետևանքով զոհվել է 29 մարդ, ևս 166-ը՝ վիրավորվել:  29-ը զոհից 27-ը  ոստիկանության աշխատակիցներ են։