ԱՄՆ-ում տեղի ունեցած կիբերհարձակման պատասխանատվությունը ստանձնել է New World Hackers-ը

ԱՄՆ-ում նախորդ ուրբաթ տեղի ունեցած կիբերհարձակման պատասխանատվությունը ստանձնել է «New World Hackers» անունով հաքերային խումբը:

Ըստ Demokrathaber-ի՝ այդ մասին խումբը համացանցում գրություն է տարածել, որում մասնավորապես ասվում է. «Կիբերհարձակումը իրականացրել ենք մենք, սակայն հարձակումները եզրափակում ենք դրանով»: Նշելով, որ «Wikileaks-ը լավ գործընկեր է», հաքերային խումբը հայտարարել է, որ իրենց նպատակը հայտնի դառնալը չի եղել, «նման քայլի ենք դիմել ինչ-որ պատճառով»:

Կիբերհարձակման ընթացքում խումբը օգտագործել է անվտանգության տեսախցիկ, հեռուստացույց և չափման մի շարք գործիքներ:

Հարձակման ենթարկված Twitter, Amazon, Paypal, Netflix, Pinterest և մի շարք հայտնի այլ կայքեր մեծապես տուժել են: