4 համայնքապետերի լիազորություններ վաղաժամկետ կդադարեցվեն

Տարածքային կառավարման և զարգացման նախարար Դավիթ Լոքյանը կառավարության հաստատմանը ներկայացրեց որոշման նախագիծ, համաձայն որի` առաջարկվում է վաղաժամկետ դադարեցնել Կոտայքի մարզի Գառնիի, Գեղարդի, Գողթի և Կամարիսի համայնքների ղեկավարների լիազորությունները: Նախարարը պարզաբանեց, որ, համաձայն օրենքի, ընտրություններից հետո գյուղապետերը պաշտոնավարման են անցնում մեկ կամ մեկուկես ամսում, և որպեսզի այդ բացը չմնա, առաջարկվում է նրանց լիազորություններն ավելի շուտ դադարեցնել:

Լոքյանի ներկայացրած մեկ այլ նախագծով առաջարկվում է վաղաժամկետ դադարեցնել նաև Շիրակի մարզի Արևիկի համայնքի ղեկավարի լիազորությունները և համայնքի ղեկավարի արտահերթ ընտրություն նշանակել: Նախարարը տեղեկացրեց, որ արտահերթ ընտրություններ անցկացնելու անհրաժեշտությունը պայմանավորված է Արևիկի համայնքապետի մահվան հանգամանքով: 

Երկու որոշումներն էլ կառավարությունը հաստատեց:

Նշենք, որ Արևիկի գյուղապետ Գարեգի Ստեփանյանը մահացել է սեպտեմբերի 6-ին: Հիշյալ համայնքի ղեկավարի արտահերթ ընտրությունները կկայանան 2017 թվականի փետրվարի 12-ին: