85 կողմ, 7 դեմ և 6 ձեռնպահ. կառավարության ծրագիրն ընդունվեց

Այսօր ԱԺ արտահերթ նիստում քվեարկության դրվեց կառավարության ծրագրին հավանություն տալու հարցը:

Պատգամավոր Ալեքսանդր Արզումանյանը վարման կարգով ելույթ ունեցավ` ասելով, որ չի ցանկանում ելույթ ունենալ, քանի որ դահլիճում արդեն սկսվել է նախընտրական պայքարը: Միաժամանակ հավելեց, որ նոր նախարարների պարկեշտությանը կասկածելու հիմք չունի, չի ուզում ժխտողական ազդակով սկսել, բայց չի կարող աջակցել կառավարության ծրագրին, քանի դեռ չի տեսել կոնկրետ քայլեր:

ՀԱԿ խմբակցության ղեկավար Լևոն Զուրաբյանը հայտարարեց` քանի որ վստահության քվեարկության մասին է խոսքը, ուրեմն անվստահություն կհայտնեն` դեմ քվեարկելով:

ԲՀԿ-ն չմասնակցեց քվեարկությանը:

Եվ այսպես` 85 կողմ, 7 դեմ և 6 ձեռնպահ ձայներով կառավարության ծրագիրն ընդունվեց: