Համայնքների խոշորացման ծրագիրն ընդունվեց

Ձայների՝ 70 կողմ, 14 դեմ եւ 19 ձեռնպահ ձայների հարաբերակցությամբ ԱԺ-ն այսօր արտահերթ նիստում ընդունեց համայնքների խոշորացման նախագիծը: Քվեարկությունից առաջ ՀԱԿ խմբակցության ղեկավար Լեւոն Զուրաբյանը հայտարարեց, որ մայիսի 17-ի հանրաքվեի արդյունքները, որոնք նա երեկ պահանջել էր ՏԿԱԻ նախարարի առաջին տեղակալից, ու որոնք կցված չէին քննարկվող նախագծին, այսօր արդեն բաժանվել են պատգամավորների:

«Կոչ եմ անում գործընկերներիս՝ քվեարկությունից առաջ ուշադիր լինել այս արդյունքների նկատմամբ, քանի որ այս համայնքների բնակչությունը դեմ է քվեարկել խոշորացման ծրագրին: Կոչ եմ անում հարգել համայնքների բնակիչների կամքը»,- ասաց նա:

Ի պատասխան, ԱԺ նախագահ Գալուստ Սահակյանն ասաց. «Քվեարկության արդյունքները, ըստ քննարկվող հարցի, պարտադիր չէին, որ լինեին, սակայն Ձձեր խնդրանքով են դրանք ներկայացվել: Խնդիրն ընդամենը վերաբերում էր նախագծին»: