Փամփուշտը սրտի ներքևի մասից մտել է, աջ կողքից` դուրս եկել. վիրավորված զինվորի մորեղբայրը մանրամասներ է պատմում

Հոկտեմբերի 7-ին Արցախում վիրավորված Հայկ Համբարձումյանի առողջական վիճակի մասին Yerkir.am-ին մանրամասներ են հայտնի դարձել: Արդեն հայտնել ենք, որ զինվորին ուղղաթիռով Ստեփանակերտի զինվորական հոսպիտալից տեղափոխում են Երևանի զինվորական հոսպիտալ: Հայկ Համբարձումյանի մորեղբայրը՝ Ռաֆիկ Զարոյանը, Yerkir.am-ի հետ զրույցում պատմեց, որ իր քրոջ որդին վիրավորում է ստացել սրտի շրջանում:

«Փամփուշտը սրտի ներքևի մասից մտել է, աջ կողքից դուրս է եկել: Վնասվել են լյարդը, լեղածորանը: Ստեփանակերտում վիրահատել են, հիմա էլ տեղափոխում են Երևան: Հայկի վիճակն այժմ լավ է»,- ասաց մեր զրուցակիցը:

Տեղեկացնենք նաև, որ Հայկ Համբարձումյանն ունի հայր ու իրենից մեծ քույր: Տղայի մայրը մահացել է 2010 թվականին: