«Վրացական երազանքը» հաղթում է խորհրդարանական ընտրություններում

Վրաստանի խորհրդարանական ընտրություններում իշխող «Վրացական երազանք» կուսակցությունը հաղթում է` 2 «էքզիթփոլերի» տվյալներով:

Ըստ GFK ընկերության հարցման արդյունքների, «Վրացական երազանքը» ստանում է 39.9 տոկոս քվե, երկրորդ տեղում  ընդդիմադիր «Միացյալ ազգային շարժումն» է, որի առաջնորդը  երկրի նախկին նախագահ, այժմ ուկրաինական Օդեսայի նահանգապետ Միխեիլ Սաակաշվիլին է: Այս կուսակցությունը հավաքում է ձայների 32.7 տոկոսը: 

Մեկ այլ` TNS  ընկերության «էքզիթփոլի» համաձայն, «Վրացական երազանքը» հավաքում է 5.8 տոկոս, «Միացյալ ազգային շարժումը»` 19.5 տոկոս` դարձյալ զբաղեցնելով 2-րդ տեղը:

Խորհրդարան անցնելու անհրաժեշտ շեմը հաղթահարած երրորդ ուժ կարող է դառնալ Հայրենասերների դաշինքը, որը տարբեր հաշվարկներով կհավաքի 5-6 տոկոս: