ՕԵԿ-ական պատգամավորն անդրադարձել է իր մասին տարածված սկանդալային տեսանյութին

Երեկ «Ֆեյսբուք» սոցիալական ցանցում հայտնվեց մի տեսանյութ, որում ՕԵԿ-ական Հովհաննես Մարգարյանի անցյալից որոշ դրվագներ են հիշեցվում, մասնավորապես՝ երկրաշարժի տարիներին օգնություն եկած կաթի փոշին վաճառելու փորձի մասին:

Նշենք, որ Մարգարյանն արդեն տեսաուղերձով անդրադարձել է այդ տեսանյութին եւ հայտարարել, որ այդ ամենի ետեւում տեսնում է իր երբեմնի կուսակից Սամվել Բալասանյանի հետքը:

Այսօր արդեն նա հայտարարել է, որ տարածված տեսագրությունը օպերատիվ- հետախուզական է եղել, եւ որ ինքը ետամուտ է լինելու, որ ե\'ւ տեսանյութը մոնտաժողը պատասխանատվություն կրի, ե\'ւ այն տրամադրողը: «Ես գիտեմ, թե ով ում է վաճառել այդ տեսաերիզը` մեծ գումարով, հայտնի լրագրող է արել»,- հայտարարել է ՕԵԿ-ական պատգամավորը եւ նշել, որ ինքը դատապարտված չի եղել:

Ի դեպ, նա նաեւ ասել է, որ իրեն շանտաժի են ենթարկել եւ սպառնացել: