Պրոբլեմը լուծելու ենք. Կարեն Կարապետյան

Հովիկ Աբրահամյանի կադրերից ազատվելու խնդիր չկա. այսօր Եռաբլուրում լրագրողների հետ զրույցում հայտարարեց նորանշանակ վարչապետ Կարեն Կարապետյանը եւ հավելեց, որ կադրերը փոխում է, որպեսզի խնդիր լուծի:

Լրագրողների դիտարկմանը, թե երեկ նշանակված նախարարներին հանրությունը, ըստ էության, չի ճանաչում, Կարապետյանը պատասխանեց, որ նրանց կենսագրականները կան: Դիտարկմանը, թե նրանք հիմնականում անկուսակցականներ են, արձագանքեց, որ կուսակցական լինել-չլինելը կապ չունի, կարեւորը պրոֆեսիոնալիզմն է, կադրերին պրոֆեսիոնալիզմը հաշվի առնելով է ընտրում:

Անդրադառնալով հարցին, թե ինքն է՞լ է նախագահ Սերժ Սարգսյանի նման հայտարարելու, թե «գլխից պետք է բռնել», Կարապետյանը հայտարարեց. «Պրոբլեմը լուծելու ենք»:

Հարցին, թե ինչպե՞ս է պայքարելու մարզային իշխանիկների դեմ, ասաց՝ կտեսնեք: