Հայաստանի վարչապետը հրաժարական տվեց. ռուսական և ադրբեջանական ԶԼՄ-ների անդրադարձը

Հայաստանի վարչապետ Հովիկ Աբրահամյանի հրաժարականի մասին տեղեկությունն արագորեն շրջանառվել է ռուսական և ադրբեջանական ԶԼՄ-ներում: Հրաժարականին անդրադարձել են РБК-ն, ТАСС-ը, Интерфакс-ը, РИА Новости-ն, Haqqin. az-ը և այլ կայքեր:

Հիշեցնենք, որ այսօր` կառավարության նիստի ավարտին, վարչապետ Հովիկ Աբրահամյանը ելույթ ունեցավ և հայտարարեց, որ հրաժարական է տալիս: «Ես որոշում եմ հրաժարական տալ և նոր կառավարություն ձևավորելու հնարավորություն տալ նախագահին: Պետք է մտածել բոլորիս հաջողություն մասին և շանս տալ նոր կառավարությանը` նոր մոտեցումներով համախմբել հասարակությանը, իսկ աշխատանքներ իրապես կատարված են»,- ասաց նա: