Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հոկտեմբերի 2-ին Գյումրիում տեղի են ունենալու ՏԻՄ ընտրություններ: Արդեն տեղեկացրել ենք, որ Քրիստոնեա-դեմոկրատական կուսակցությունը Գյումրու գործող քաղաքապետ, ՀՀԿ-ի աջակցությունը վայելող Սամվել Բալասանյանի հետ ընտրություններին հանդես է գալիս մեկ՝ «Բալասանյան» դաշինքով:
Yerkir.am-ի հետ զրույցում Քրիստոնեա-դեմոկրատական կուսակցության նախագահ Խոսրով Հարությունյանն անկեղծորեն խոստովանեց, թե ինչու են գնացել դաշինքի:
«Վերջին հաշվով` Քրիստոնեա-դեմոկրատական միությունն ամենաազդեցիկ քաղաքական ուժը չէ, բայց դաշինքով էլ համաձայն ենք: Տվյալ դեպքում մեզ համար ամենաշատը կարևոր է, որպեսզի ավագանու կազմում մեր կուսակցության ներկայացուցիչներ էլ ներկայացված լինեին, դա կտա քաղաքական փորձառություն, որը կլինի հնարավոր քաղաքական կայացման ճանապարհ մեր կուսակցության անդամների համար: Մենք առանձնապես շատ մեծ հավակնություններ չունենք` եթե մեզնից, դաշինքի շրջանակներում, 3-4 հոգի ներկայացված լինեն ավագանիում, մենք միանգամայն բավարարված կլինենք»,- ասաց Հարությունյանը:
Նա նաեւ նշեց, որ ցուցակում իրենց կուսակցությունից 20 հոգի է ընդգրկված: