ՀՀԿ-ն ինձ որբ է թողել. Վազաշենի գյուղապետ

Տավուշի մարզի Վազաշեն համայնքում սեպտեմբերի 18-ին կայանալիք ՏԻՄ ընտրություններին մասնակցելու է երկու թեկնածու, երկուսն էլ՝ ՀՀԿ-ից: Թեկնածուներից մեկը գործող գյուղապետ Լորիկ Բադիրյանն է, մյուսը՝ նախկին գյուղապետ Վասիլ Իսահակյանը:

«8 տարի է` ժողովրդի հետ աշխատում եմ, նո՞ր պետք է խոստում տամ: Ժողովուրդն ինձ բավական լավ ճանաչում է և արդեն կորոշի՝ ում է ընտրելու»,- Yerkir.am-ի հետ զրույցում նշեց Լորիկ Բադիրյանը եւ կեսկատակ-կեսլուրջ բողոքեց. ՀՀԿ-ն ինձ որբ է թողել:

Ի դեպ, Բադիրյանը նաեւ նկատեց, որ մրցակիցը տարիքով բավականին մեծ է. «Մյուս թեկնածուն նախկին գյուղապետն է, 20-25 տարի ղեկավարել է, նորից եկել է, ուզում է գյուղապետ դառնալ»: