Որբ մեծացած տղա էր, հիմա էլ իր երեխային որբ թողեց. մահացած զինծառայողը 5-ամյա երեխա ուներ

Տեղեկացրել էինք, որ երեկ երեկոյան Երևան-Մեղրի ավտոճանապարհին տեղի ունեցած ավտովթարի հետևանքով 3 զինծառայող է մահացել:

Մահացածներից 30-ամյա Կարեն Կարապետյանն Արմավիրի մարզի Շենավան գյուղից էր:

Շենավանի գյուղապետ Արթուր Մկրտչյանը yerkir.am-ի հետ զրույցում նշեց, որ Կարեն Կարապետյանը  շուրջ երկու տարի է, ինչ պայմանագրային զինծառայող էր, իսկ դրանից առաջ ռուսական զորամասում էր ծառայել` որպես պայմանագրային զինծառայող:

«Որբ մեծացած երեխա էր, թաք տղա` ո\'չ քույր, ո\'չ եղբայր ուներ: Ընտանիքն էլ ամուսնալուծված էր: Ընտանիքին Ռուսաստանում գտնվող քեռիներն էին օգնում: Կարենն ամուսնացած էր, 5 տարեկան երեխա ունի: Հիմա էլ իր երեխային որբ թողեց: Խելոք տղա էր, գլուխը կախ` ընտանիքն էր պահում»,- ասաց Մկրտչյանը: