«Արձակուրդից հարբած է վերադարձել». թուրք զինվորների միջև ծեծկռտուքի հետևանքով մեկը ծանր վիրավորվել է

Թուրքիայի Քարաբուք նահանգի Սաֆրանբոլու շրջանում գտնվող զինվորական-ուսանողական 125-րդ վաշտում զինվորների միջև ծեծկռտուք է տեղի ունեցել, որի հետևանքով վիրավորվել է 10 զինվոր: Նրանից մեկի վիճակը ծանր է:

Ըստ Demokrathaber-ի՝ զինվորների միջև ծագած վեճը կարճ ժամանակում ծեծկռտուքի է վերածվել: Զինվորներին բաժանելու նպատակով սպաներից մեկը 6 անգամ օդ է կրակել:

Քարաբուքի նահանգապետրանը միջադեպի մասին հայտարարություն է տարածել՝ նշելով, որ դեպքը տեղի է ունեցել արձակուրդից հարբած վերադարձած զինվորի պատճառով:

«Զենքի հետևանքով վիրավորում ստացած զինվոր չկա: Կրակել են օդ՝ ծեծկռտուքը դադարեցնելու նպատակով»,- նշվել է հայտարարության մեջ: