Ինձ մոտ գտնվող ընկերներիցս մեկը վիրավորվել է, մեկը զոհվել է․ Սեյրան Օհանյան

Արցախի Հանրապետության նախագահի խոսնակ Վահրամ Պողոսյանն այսօր առավոտյան անդրադարձել էր ադրբեջանական քարոզչամեքենայի տարածած կեղծ լուրերին, թե իբրև ՀՀ պաշտպանության նախկին նախարար, Արցախի հերոս Սեյրան Օհանյանը վիրավորվել է։

«Իհարկե, թշնամին խորը պատճառներ ունի դրա մասին աղաղակելու, քանի որ գեներալ Օհանյանից ստացած հերթական դասը շատ ցավոտ է եղել, ու, համոզված եմ, դեռ էլի կստանա, որովհետև նա ողջ և առողջ է ու լիարժեք կատարում է իրեն վստահված պարտականությունները»,- գրել էր Վահրամ Պողոսյանը։

«Ես լավ եմ զգում, շարունակում եմ իմ ծառայությունը: Ինձ մոտ գտնվող ընկերներիցս մեկը վիրավորվել է, մեկը զոհվել է, բայց ամեն ինչ կարգին է: Աստված բոլորիս հետ»,- ասաց Սեյրան Օհանյանը:

Հիշեցնենք 168.am–ի հետ զրույցում Արցախի նախագահի արտաքին հարաբերությոնների հարցերով խորհրդական Դավիթ Բաբայանն ավելի վաղ ասել էր, որ պետք չէ զարմանալ ադրբեջանական քարոզչամեքենայի տարածած կեղծ լուրերից, կեղծքի տարածելը բնորոշ է այդ երկրին. «Փառք Աստծո,  Սեյրան Օհանյանը ողջ և առողջ է, նա ներգրավված է Շուշիի պաշտպանության գործողություններում։ Երբ ադրբեջանական քարոզչամեքենան այդ լուրեը տարածեց, դրանից 4-5 ժամ հետո ես ևՍեյրան Օհանյանը Ստեփանակերտում շատ բովանդակալից մի շարք քննարկումներ կատարեցինք։ Սեյրան Օհանյանը ողջ և առողջ է․ նա շարքերում է»: